امریکہ کی ملٹی نیشنل ٹکنالوجی کمپنی مائیکروسافٹ کارپوریشن نے اپنے چیف ایگزیکٹو آفیسر (سی ای او) ستیہ نڈیلا کو اپنا نیا چیئرمین مقرر کیا ہے۔
مائیکرو سافٹ نے ایک بیان میں کہا ہے کہ کمپنی کے انڈیپنڈنٹ ڈائریکٹرز نے متفقہ طور پر نڈیلا کو بورڈ آف ڈائریکٹرز کا چیئرمین منتخب کیا ہے۔ اس کے علاوہ جان ڈبلیو تھامسن کو چیف انڈیپنڈنٹ ڈائریکٹر بنایا گیا ہے۔
کمپنی نے ایک پوسٹ میں کہا کہ ’’نڈیلا کو متفقہ طور پر مائیکرو سافٹ بورڈ آف ڈائریکٹرز کا سربراہ منتخب کیا گیا ہے۔ وہ صحیح اسٹریٹجک مواقع بڑھانے اور بڑے خطرات کی نشاندہی کرنے کے لئے اپنی سوجھ بوجھ کا فائدہ اٹھاتے ہوئے کمپنی کے ایجنڈے کی رہنمائی کریں گے‘‘۔ نڈیلا اس اضافی کردار میں بورڈ کا ایجنڈا طے کرنے میں قیادت کریں گے۔ نڈیلا نے 2014 میں مائیکرو سافٹ کے سی ای او کا عہدہ سنبھالا تھا۔
(یو این آئی)
