امریکہ کے موجودہ صدر ڈونالڈ ٹرمپ نے ایک بیان جاری کرکے بتایا کہ امریکی اٹارنی جنرل ولیم بر اگلے 10 دنوں کے اندر اپنے عہدے سے استعفیٰ دے دیں گے اور ان کی جگہ جیف روسین عہدہ سنبھالیں گے۔
مسٹر ٹرمپ نے ٹویٹ کیا کہ ’وائٹ ہاؤس میں اٹارنی جنرل بل بر سے شاندار ملاقات ہوئی۔ ہمارا رشتہ بہت اچھا رہا ہے۔ انہوں نے عہدے پر رہتے ہوئے بہترین کام کیا ہے‘۔ بیان کے مطابق بل کرسمس سے ٹھیک پہلے اپنے خاندان کے ساتھ چھٹیاں گذرانے کے لیے روانہ ہوں گے۔
یہ بھی پڑھیں: 'ٹرمپ نے قانون اور عوام کے جذبات کی بے حرمتی کی'
حالانکہ فی الحال اٹارنی جنرل بر نے بتایا کہ وہ 23 دسمبر کو عہدہ چھوڑیں گے۔ انہوں نے یہ بھی کہا کہ محکمہ قانون صدارتی الیکشن 2020 انتخابات اور ووٹر دھوکہ دہی کے الزامات کا جائزہ لینا بھی جاری رہے گا۔
اس سے پہلے دسمبر کے آغاز میں امریکی میڈیا نے بتایا تھا کہ مسٹر بر نے خود اپنا عہدہ چھوڑنے کا فیصلہ کیا ہے اور ان کے اس فیصلے سے مسٹر ٹرمپ کا کوئی اثر نہیں تھا۔
