کال سینٹر فراڈ کے ایک معاملے میں بھارت کے ایک شہری کو امریکہ میں تین سال قید کی سزا سنائی گئی ہے۔ امریکی وکیل نے یہ معلومات دی۔
گڑگاؤں کے رہائشی 29 سالہ ساحل نارنگ کو مئی 2019 میں امریکہ میں گرفتار کیا گیا تھا۔ عدالتی دستاویزات میں نارنگ کو امریکی شہریوں خصوصاً بزرگ شہریوں کو دھوکہ دینے کے لئے آن لائن ٹیلی مارکیٹنگ اسکیمیں چلانے کا ایک اہم ملزم سمجھا گیا۔
قائم مقام امریکی اٹارنی رچرڈ بی مائرے نے کہا کہ نارنگ نے گزشتہ سال دسمبر میں اپنے جرم کا اعتراف کیا تھا۔
بدھ کے روز انہیں 36 ماہ کے لئے وفاقی جیل بھیج دیا گیا۔ اس کے بعد اس پر تین سال تک نگرانی کی جائے گی۔ عدالت میں پیش کردہ معلومات کے مطابق 30 اگست 2019 سے یکم مئی 2019 کے درمیان نارنگ نے اپنی اسکیموں کے پس پشت ہزاروں لوگوں کے ساتھ دھوکہ دہی کی اور ان سے تقریباً 15 لاکھ سے 30 لاکھ ڈالر تک کی ٹھگی کی۔
ایف بی آئی کی تحقیقات کے مطابق نو ماہ کی مدت میں نارنگ نے روزانہ تقریباً 70 سے زیادہ فون کالز مراکز کو منتقل کیا اور ایک اندازے کے مطابق اس کی جعلی اسکیمیں 30 فیصد تک کامیاب رہی۔
