اس طوفان میں ہلاک ہونے والوں کی تعداد اور بڑھنے کا خدشہ ظاہر کیا گیا ہے۔ سمندری طوفان ڈورین کے باعث امریکہ میں 5 اور بہاماس میں 38 افراد ہلاک ہوگئے، طوفان کی شدت کم ہو کر کیٹگری ون ہوگئی ہے، جبکہ نارتھ کیرولائنا میں موجود طوفان کے باعث چلنے والی ہواؤں کی رفتار144 کلومیٹر فی گھنٹہ بتائی جارہی ہے۔
بہاماس میں تباہی مچانے والا طوفان اب امریکی ریاست نارتھ کیرولائنا کی ساحلی پٹی کے قریب ہے، نارتھ اور ساؤتھ کیرولائنا کی ساحلی پٹی پر تیز ہوائیں اور بارش ہورہی ہیں۔
امریکی میڈیا کے مطابق طوفان کے باعث فلوریڈا میں 3 اور نارتھ کیرولائنا میں 2 افراد ہلاک ہوئے ہیں، جبکہ نارتھ اور ساؤتھ کیرولائنا میں 2 لاکھ 67 ہزار صارفین کو بجلی کی فراہمی منقطع ہے۔
