کورونا وائرس وبائی مرض نے اب تک 62،62،422 سے زائد افراد کو متاثر کیا ہے جبکہ اس سے دنیا بھر میں 3،73،848 سے زائد افراد ہلاک ہوچکے ہیں حالانکہ اب تک 28،46،477 سے زیادہ افراد صحتیاب ہوئے ہیں۔
گزشتہ 24 گھنٹوں کے دوران برازیل نے ملک میں 16،409 نئے معاملوں کی تصدیق کی ہے، جس سے تصدیق شدہ کیسوں کی مجموعی تعداد 5،14،849 ہو گئی ہے۔
امریکی صدر ڈونلڈ ٹرمپ نے کورونا وائرس سے حفاظت اور علاج کرنے کے لئے ممکنہ طور پر ملیریا کی دواؤں کی دو ملین سے زائد خوراک برازیل کو ارسال کی ہے، حالانکہ سائنسی شواہد نے ان دواؤں کے استعمال کی حمایت نہیں کی ہے۔
برازیل لاطینی امریکہ کا سب سے زیادہ متاثرہ ملک بن گیا ہے۔ وہاں وائرس کے معاملات میں اضافے کا سلسلہ جاری ہے۔ گزشتہ ہفتے ٹرمپ نے امریکی مسافروں کو برازیل کا سفر نہ کرنے کی ہدایت دی تھی۔ امریکی صدر نے کہا تھا کہ امریکہ میں وائرس کو پھیلنے سے روکنے کے لئے یہ پابندی لگائی گئی ہے۔
