وزارت صحت نے ایک بیان جاری کرکے کہا’’ملک میں کورونا وائرس سے موت کا پہلا کیس درج کیا گیا ہے۔متوفی ایک 87 سالہ بزرگ ہے۔ ملک میں فی الحال کورونا وائرس کے 69 کیس سامنے آ چکے ہیں‘‘۔
عالمی ادارہ صحت (ڈبلیو ایچ او) نے کورونا وائرس کے بڑھتے خطرات کے درمیان اسے 11 مارچ کو عالمی وبا بھی قرار دے دیا ہے۔
چین کے صوبے ہبوئی کے دارالحکومت ووہان سے شروع ہونے والا جان لیوا کورونا وائرس کی زد میں دنیا کے 150 سے زائد ملک آ چکے ہیں اور اس سے متاثر تقریباً 8000 افراد کی موت ہوچکی ہے جبکہ اب تک 200،000 سے زیادہ لوگ اس وائرس کی زد میں ہیں۔
