خیال رہے کہ ہفتے کے روز امریکی ریاست ٹیکساس کے شہر الپاسو کے سپر اسٹور وال مارٹ میں ایک شخص کی اندھا دھند فائرنگ کے نتیجے میں 22 افراد ہلاک ہوگئے تھے۔
امریکی صدر ڈونلڈ ٹرمپ نے اس حملے کی مذمت کرتے ہوئے کہا تھا کہ 'امریکہ میں نفرت پھیلانے والوں کے لیے کوئی جگہ نہیں اور ہم اس بات کا دھیان رکھنے والے ہیں'۔
شہر کے میئر ڈی مارگو نے کہا کہ' اس سلسلے میں ان کی ٹرمپ کے ساتھ مختصراً بات چیت ہوئی، اس کے مطابق امریکی صدر بدھ کے روز ٹیکساس کے شہر الپاسو کا دورہ کریں گے'۔
انہوں نے سی این این کے ساتھ جاری بات چیت میں کہا کہ' وہ ٹرمپ کی اس بات پر خوش ہیں، جس میں انہوں نے امداد کی یقین دہانی کرائی'۔
انہوں نے کہا کہ' ہم جو کر رہے ہیں وہ چھوٹا کام نہیں ہے، ہم مل کر اس مسئلے کا حل نکالیں گے'۔
