برطانیہ کے وزیراعظم بورس جانسن نے امریکی کانگریس کے محاصرے اور تشدد کے واقعات کی مذمت کی۔
بورس جانسن نے کہا، یو ایس کانگریس میں جو مناظر دیکھے گئے وہ شرمناک تھے۔
انھوں نے کہا کہ امریکہ دنیا بھر میں جمہوریت اور اس کی بقا کی تائید کرتا ہے۔ بورس نے کہا اب وقت ہے کہ امریکہ میں اقتدار کی پرامن اور منظم منتقلی کو یقینی بنایا جائے۔
واضح رہے کہ بدھ کو صدر ڈونلڈ ٹرمپ کے حامی کیپیٹل ہل (پارلیمنٹ بلڈنگ) کی عمارت میں داخل ہو گئے جس کے بعد ٹرمپ کے حامیوں اور پولیس کے مابین جھڑپیں بھی ہوئیں۔ جھڑپوں کے بعد کیپیٹل بلڈنگ کو لاک ڈاؤن کر دیا گیا۔ پرتشدد جھڑپ میں چار لوگوں کی موت ہوئی ہے۔ 21 جنوری کی سہ پہر تین بجے تک کرفیو میں توسیع کر دی گئی ہے۔
