امریکی ریاست کولوراڈو کے سپرمارکیٹ میں فائرنگ کرنے والے مشتبہ شخص پر 10 افراد کے قتل کے الزامات عائد کئے گئے ہیں۔
خبررساں ایجنسی کے مطابق 21 برس کے حملہ آور کی شناخت احمد علیسا کے نام سے کی گئی۔ ملزم کو بولڈر کاؤنٹی کی جیل منتقل کردیا گیا۔ فائرنگ کا مقصد تاحال ظاہر نہیں کیا گیا ہے۔
واضح رہے کہ گزشتہ روز فائرنگ کا یہ واقعہ ایک سپر مارکیٹ میں پیش آیا تھا جس میں 10 افراد ہلاک ہوگئے تھے۔ اس واقعہ کے بارے میں پولیس کا کہنا تھا کہ فائرنگ کنگ سپرمارکیٹ ہوئی جس میں اے آر پندرہ رائفل استعمال کی گئی تھی۔ اس فائرنگ میں متعدد افراد زخمی بھی ہوئے تھے۔
(یو این آئی)
