چین کی وزارت خارجہ نے بدھ کو کہا کہ ریاستہائے متحدہ امریکہ کے صدارتی انتخابات کے بارے میں چین کو کوئی دلچسپی نہیں ہے ۔
چینی وزارت خارجہ کا بہ بھی کہنا ہے کہ فی الحال امریکی عوام ووٹ کی گنتی اور انتخابی نتائج پر توجہ مرکوز کر رہی ہے۔
بدھ کے روز چینی وزارت خارجہ کے ترجمان وانگ وین بین نے ایک بریفنگ میں کہا 'امریکی انتخابات اس کے داخلی امور ہیں۔ چین اس مسئلے پر کوئی پوزیشن نہیں لے گا'۔
انھوں نے یہ بھی کہا ہے کہ ہمیں چین کے داخلی امور میں کسی بھی طرح کی مداخلت پسبد نہیں ہے، ہم اس کی سخت مخالفت کرتے ہیں۔ اس طری کی کوئی بھی حرکت چین کی خودمختاری اور سلامتی کے مفادات کو مجروح کرتی ہے۔"
اطلاع کے مطابق امریکہ کی اہم ریاستوں فلوریڈا، اوہائیو اور ٹکساس میں ری پبلیکن پارٹی پیش پیش ہے۔
وہیں صنعتی ریاستیں سمجھی جانے والی ریاستوں وسکونسن، مشی گن اور پنسلوانیا میں ڈیموکریٹ پارٹی کے صدارتی امیدور جو بائیڈن آگے ہیں۔
یہ بات قابل ذکر ہے کہ امریکی صدر ڈونلڈ ٹرمپ نے اپنی انتخابی تقریروں کے دوران عالمی وبا کورونا وائرس (کووڈ-19) کا بھی خاصی ذکر کیا تھا۔
عالمی وبا کورونا وبا (کووڈ-19) کے ضمن میں انھوں نے چین کو تنقید کا نشانہ بناتے ہوئے اسے 'چائنا وائرس' بھی کہہ ڈالا۔
- مزید پڑھیں: ہم سپریم کورٹ جائیں گے: ڈونلڈ ٹرمپ
تاحال کسی بھی امیدوار کے پاس کامیابی کے لئے ایلکٹورل کالج کے 270 ووٹ نہیں ہیں۔
