کیا مہلک کورونا وائرس ووہان کی لیب میں بنا ہے؟ یہ الزام امریکہ کے صدر ڈونالڈ ٹرمپ نے چین پر لگایا ہے۔
اس پر امریکی وزیر خارجہ مائیک پومپیو نے وائرس کے ووہان کی تجربہ گاہ سے لیک نہ ہونے کے دعوؤں کے حوالے سے کہا کہ 'یہ بات بڑی اہم ہے کہ ایسے مواد کو محفوظ طریقے سے ہینڈل کیا جائے تاکہ حادثاتی طور پر پھیلنے سے بچا جاسکے'۔
یاد رہے کہ امریکی صدر نے کچھ روز قبل چین پر الزام عائد کرتے ہوئے کہا تھا کہ 'مہلک کورونا وائرس ووہان کی لیب میں بنا ہے'۔
ٹرمپ کا کہنا تھا کہ وائرس چین کی لیب میں بنا اور پھر وہاں سے ایک شخص مارکیٹ گیا اور یہ وائرس پھیلتا چلا گیا۔ تاہم چین نے اس الزام کی تردید کی تھی۔
