امریکہ میں عالمی وبا کورونا وائرس کے اب تک جتنے کیسز سامنے آئے ہیں اس سے دس گنا زیادہ لوگ اس وبا سے متاثر ہوئے ہیں ۔
یہ بات امریکی مرکز برائے وبائی بیماری کنٹرول اور روک تھام کے ڈائرکٹر رابرٹ ریڈ فیلڈ نے کہی ہے۔ انہوں نے کہا 'ہمارا اندازہ ہے کہ ملک میں کووڈ 19 کے جتنے کیسز رپورٹ ہوئے ہیں، ان کے ساتھ 10 دیگر افراد بھی وبا کا شکار ہوئے ہیں۔'
سی ڈی سی نے جمعرات کو ایک رپورٹ جاری کی ہے جس میں کہا گیا ہے کہ ملک میں اب تک تقریبا 23.70 لاکھ افراد اس جان لیوا وائرس سے متاثر ہوچکے ہیں اور اسی بنیاد پر امریکہ میں کورونا سے متاثرہ افراد کی اصل تعداد 10 گنا یعنی دو اعشاریہ 4 کروڑ ہوجائے گی۔ یہ تعداد ملک کی کل آبادی کا آٹھ فیصد ہے۔
بدھ کے روزا مریکہ میں کووڈ 19 کے 36000 سے زیادہ نئے کیسز رپورٹ ہوئے۔امریکہ میں ایک دن میں رپورٹ اس وبا کے سب سے زیادہ متاثرین ہیں۔
