کورونا وائرس سے لڑنے کے لیے ویکسین کی کھوج جاری

کناڈا میں محققین ایک ڈی این اے ویکسین تیار کر رہے ہیں تاکہ سارس کورونا وائرس 2 سے لڑا جا سکے، دنیا بھر میں اب تک اس وائرس سے 5 لاکھ کے قریب افراد متاثر ہو چکے ہیں۔

کناڈا میں یونیورسٹی آف ایلبرٹا کے محققیں کے ذریعے چلائی جا رہی ایک بایو ٹیکنالوجی کمپنی انٹاس فرماکیوٹیکلس نے تھیراپیوٹک کمپاونڈس تیار کیے ہیں، اب ان کمپاونڈس کی مدد سے کورونا وائرس سے بچنے کے لیے ویکسین تیار کی جا رہی ہے۔

یونیورسٹی آف ایلبرٹا کے پروفیسر اور اینٹوس کے سی ای او کہتے ہیں 'وقت کی ضرورت کو دیکھتے ہوئے ہمیں دو ماہ کے اندر اس ویکسین کو تیار کرنا ہو گا، جب ہم اسے تیار کر لیں گے اس کے بعد ویکسین کو کلینکس میں ٹیسٹ ٹرائل کے لیے بھیج دیا جائے گا'۔

کناڈا میں اس بایوٹیکنالوجی کمپنی میں ویکسین تیار کرنے والے لیوس کہتے ہیں 'ہمارے پاس ایک خاص موقع ہے کہ ہم لاکھوں جانیں اس ویکسین سے بچا سکتے ہیں'۔

کووڈ 19 سے علاج کے لیے دنیا بھر میں مختلف کمپنیوں کے ذریعے ویکسین بنانے کے دعوے کیے جا رہے ہیں۔

اس سے پہلے مارچ 15 کو امریکہ میں ایک کمپنی ماڈرن انک ڈاٹ ان نے اپنی بنائی ہویئ ڈی این اے ویکسین کا پہلا تجربہ کیا ہے، جس کا نتیجہ سامنے آنے میں مہینوں لگ سکتے ہیں۔