امریکی محکمۂ خارجہ نے ایک بیان میں بتایا کہ بلنکن نے کینیڈا کے وزیر خارجہ گارنیو، جرمنی کے وزیر خارجہ ماس اور نیٹو کے سیکرٹری جنرل اسٹولٹن برگ سے افغانستان میں موجودہ سکیورٹی کی صورتحال کے تناظر میں امریکی شہریوں کو نکالنے کے منصوبوں کے بارے میں الگ الگ بات چیت کی۔
اس سے قبل بلنکن اور سکریٹری دفاع لائیڈ جے آسٹن نے افغانستان کے صدر اشرف غنی سے بات کی، اس بات پر زور دیتے ہوئے کہ امریکہ افغانستان کی سلامتی اور استحکام کے درمیان مضبوط سفارتی اور سکیورٹی تعلقات کو برقرار رکھنے کے لیے پُرعزم ہے۔
یہ بھی پڑھیں: پی ایم مودی سے امریکی وزیر خارجہ کی ملاقات
واضح رہے کہ طالبان نے افغانستان کے 34 صوبائی دارالحکومتوں میں سے 10 پر قبضہ کرنے کا دعویٰ کیا ہے۔ جمعرات کو مبینہ طور پر طالبان عسکریت پسندوں نے ملک کے دوسرے بڑے شہر قندھار کا کنٹرول سنبھال لیا۔
یو این آئی
