اسامہ بن لادن کی بھتیجی نور بن لادن نے کہا کہ اگر جوبائیڈن امریکا کے صدر منتخب ہوجاتے ہیں تو 9/11 جیسے حملے ہوسکتے ہیں۔ انہوں نے مزید بتایا کہ بائیں بازو کے حامیوں نے انتہاپسندوں کے ساتھ کٹھ جوڑ کرلیا ہے۔
سوئٹزرلینڈ میں مقیم اسامہ بن لادن کی بھتیجی نے کہا کہ اوباما بائیڈن حکومت کے دوران داعش یوروپ تک پھیل گئی لیکن ٹرمپ نے دہشت گردوں کو جڑ سے مٹاکر امریکہ کو غیرملکی خطرات سے محفوظ رکھا ہے۔
نیویارک پوسٹ کے ساتھ اپنے پہلے انٹرویو میں نور بن لادن نے کہا کہ وہ دل سے امریکی ہیں اور آئندہ صدارتی انتخاب میں وہ ٹرمپ کی حمایت کریں گی۔ انہوں نے کہا کہ ٹرمپ کا دوبارہ صدر منتخب ہونا ضروری ہے جبکہ یہ مغربی تہذیب کی بقا کےلیے بھی اہم ہے۔ نور بن لادن نے مزید کہا کہ وہ طویل عرصہ سے ٹرمپ کی حامی رہی ہیں۔
