امریکہ میں انتخابی مہم کی سرگرمیاں عروج پر ہیں۔ ڈیموکریٹ اور ریپبلکن دونوں پارٹیوں کے صدارتی امیدوار ہر طرح سے میدان مارنے کی تیاری کر رہے ہیں۔
گذشتہ ماہ 30 ستمبر کو ہوئے پہلے ٹیلوائز صدارتی ڈبیٹ میں دونوں پارٹی کے امیدواروں نے ایک دوسرے پر برتری حاصل کرنے کی کوشش کی، لیکن سی این این کی رپوٹ کے مطابق صدر ڈونلڈ ٹرمپ پر ڈیموکریٹ کے امیدوار جو بائیڈن بھاری پڑ گئے۔
گذشتہ روز کے ڈبیٹ سے متعلق بائیڈن نے مزید وضاحت کرتے ہوئے کہا کہ 'گذشتہ رات میرے لئے تقویت ملی کہ ہم اس صدر یعنی ڈونلڈ ٹرمپ کو مزید چار برس نہیں دے سکتے'۔
انہوں نے کہا کہ 'جب میں ریس میں شامل ہوا ہوں تو یہ اس ملک کی روح کی لڑائی کے بارے میں ہے۔ آپ نے کل رات دیکھا کہ انہوں نے کووڈ بحران اور لوگوں کی موت سے متعلق بات کرنے سے انکار کردیا۔ وہ مستقبل میں کیا کریں گے، ان کا کوئی منصوبہ نہیں تھا'۔
بائیڈن کا مزید کہنا ہے کہ ٹرمپ نے یہ واضح کردیا کہ وہ انتخاب کے نتائج کو قبول کرنے کے لئے تیار نہیں ہیں۔ اور جو شاید سب سے زیادہ چونکانے والا تھا، وہ یہ کہ انہوں نے سفید فام فوجیوں کی یہ کہ کر حوصلہ افزائی کہ وہ ان کے پیچھے کھڑے ہیں۔
