امریکی صدر جو بائیڈن اور نائب صدر کملا ہیرس نے جمعہ کے روز ایشیائی امریکیوں اور متاثرہ لوگوں کے سامنے اپنے عزم کو دہراتے ہوئے کہا کہ یہاں کسی بھی طرح نسل پرستی کو فروغ نہیں دینے دیا جائے گا۔
امریکی صدر اور نائب صدر نے جمعہ کے روز امریکی ریاست جارجیا کے دارالحکومت اٹلانٹا کا دورہ کیا، گزشتہ دنوں ایک بندوق بردار نے یہاں 8 لوگوں کو ہلاک کر دیا تھا، ان میں زیادہ تر امریکی ایشیائی خواتین تھیں۔
امریکی نائب صدر جو خود بھی امریکی ایشیائی خاتون ہیں، انہوں نے کہا کہ "امریکہ میں نسل پرستی حقیقی ہے۔ اور یہ ہمیشہ رہی ہے۔ زینوفوبیا امریکہ میں حقیقی ہے اور ہمیشہ رہی ہے۔ سیکس ازم بھی"۔
انہوں نے کہا کہ "میں اور صدر خاموش نہیں رہیں گے۔ ہم لوگ تشدد، نفرت انگیز جرائم اور تعصب کے خلاف ہمیشہ بولتے رہے ہیں۔"
اس موقع پر بائیڈن نے کہا کہ "امریکہ میں نفرت کا کوئی محفوظ مقام نہیں ہوسکتا ہے"۔ انہوں نے امریکیوں سے مطالبہ کیا کہ جب بھی وہ نسل پرستی دیکھیں، اس کا مقابلہ کریں۔ انہوں نے کہا کہ "ہماری خاموشی پیچیدگی کو جنم دیتی ہے اور ہم ایسے نہیں ہوسکتے ہیں۔"
امریکی صدر جو بائیڈن نے کہا ہے کہ وہ اٹلانٹا، جارجیا کے صوبوں میں ہونے والی فائرنگ کی تحقیقات اور ایشیائی نسل کے امریکی شہریوں کے خلاف ہونے والے تشدد کے بارے میں مسلسل معلومات طلب کر رہے ہیں اور ایشیائی نژاد امریکی شہریوں کے خلاف تشدد کا خاتمہ ہونا چاہئے۔
جو بائیڈن اور نائب صدر کملا ہیرس صوبہ جارجیا کے اسپا سیلونوں پر کئی مسلح سلسلہ وار حملوں میں چھ ایشیائی امریکی خواتین سمیت آٹھ افراد کی ہلاکت کے بعد جارجیا کے صوبے کا دورہ کر رہے ہیں۔
جو بائیڈن نے ٹیلی ویژن پر دئے گئے بیان میں کہا کہ "تفتیش جاری ہے اور مجھے باقاعدگی سے نائب صدر اور اٹارنی جنرل اور فیڈرل بیورو آف انویسٹی گیشن (ایف بی آئی) کے ڈائریکٹر آگاہ کرہے ہیں۔ انہوں نے کہا کہ اس جرم میں ملوث افراد بچ نہیں سکتے، ہمیں کارروائی کرنی ہوگی۔ "
