امریکی صدر جو بائیڈن نے کورونا ویکسن پر عوام کا اعتماد پختہ کرنے کے لیے اس ویکسن کا دوسرا ڈوز لیا۔ تین ہفتہ پہلے انہوں نے پہلا ڈوز لیا تھا۔ پہلا ڈوز انہوں نے کیمروں کے سامنے لیا تھا تا کہ عوام کو یقین آئے۔
بائیڈن نے اپنی اسپورٹ جیکٹ اتاری اور کہا ' ریڈی، سیٹ، گو'
چیف نرس ایگزیکٹیو رِک کیومن نے کرسٹیان ہاسپٹل میں صدر کو فائزر ویکسین لگائی اور اس پورے عمل کو ٹیلی ویژن پر نشر بھی کیا گیا۔ جو بائیڈن نے پہلا ڈوز 21 دسمبر کو حاصل کیا تھی۔
یہ بھی پڑھیں: امریکی ایوان زیریں میں ٹرمپ کے خلاف تحریک مواخذہ
واضح ر ہے کہ اس مہلک وائرس سے اب امریکہ میں 3 لاکھ 75 ہزار افراد ہلاک ہوچکے ہیں۔
فائزر بائیو ٹیک ویکسن میں پہلی ویکسینیشن کے تقریباً 3 ہفتوں بعد دوسرے ڈوز کی ضرورت ہوتی ہے جبکہ ایک دیگر ویکسین جو موڈرنا نے تیار کی ہے، اس کے لیے تقریباً 4 ہفتوں کے بعد دوسرا ڈوز درکار ہوتا ہے۔
