بحر اقیانوس کے کیریبین خطے میں واقع ملک بارباڈوس نے برطانوی بادشاہت ترک کر کے ایک جمہوریہ ہونے Barbados Becomes a Republic کا اعلان کر دیا ہے۔
یہ اعلان نومبر 2021ء میں بارباڈوس Barbados کے برطانیہ سے آزادی کی 55 ویں سالگرہ اور اس علاقے میں انگریز آبادکاروں کی آمد کے تقریباً 400 سال پورے ہونے کے موقع پر کیا گیا ہے۔
بارباڈوس کی گورنر اور جج سینڈرا میسن نے اس جزیرہ ریاست کی پہلی خاتون صدر کے طور پر دارالحکومت برج ٹاؤن میں رسمی طور پر اپنے عہدے کا حلف اٹھایا۔ اس طرح وہ برطانوی ملکہ الزابتھ دوم کی جگہ سربراہ مملکت بن گئی ہیں۔
برطانوی شہزادہ چارلس نے ملکہ کی جانب سے بارباڈوس کی آزادی و خودمختاری کے ساتھ اس ریاست کی باگ ڈور ملک کی پہلی صدر کو سونپنے کے لیے اس تقریب میں شرکت کی۔ تاہم یہ کیریبیئین جزیرہ ریاست دولت مشترکہ کی رکن رہے گی۔
خیال رہے کہ بارباڈوس Barbados نے 30 نومبر 1966 کو برطانیہ سے آزادی حاصل کی تھی اور برطانوی عملداری سے آزادی کیلئے بھی 30 نومبر 2021 کا دن چنا گیا۔ گزشتہ ماہ بارباڈوس نے ملکہ برطانیہ کی جگہ ڈیم سینڈرا میسن کو صدر بنانے کی قرارداد منظور کی تھی۔
