امریکہ کے ایک جج نے میکسیکو سے امریکہ میں بغیر دستاویزات کے تارکین وطن کی اسمگلنگ میں ملوث ہونے کےالزام میں ایک بنگلہ دیشی شہری کو تقریباً چارسال قید کی سزا سنائی ہے۔ یہ اطلاع امریکہ کے محکمہ انصاف نے دی ہے۔
محکمہ انصاف نے منگل کے روز کہا کہ ’’ایک بنگلہ دیشی شہری کو میکسیکو سے امریکہ میں بغیر دستاویزات کے لوگوں کی اسمگلنگ کرنے کے منصوبے میں اس کے کردار کے لیے 46 ماہ قید کی سزا سنائی گئی‘‘۔
یہ بھی پڑھیں: امریکہ میں ٹرین حادثہ، 3 افراد ہلاک، متعدد زخمی
محکمہ انصاف کے مطابق 41 سالہ محمد میلن حسین بنگلہ دیش، جنوبی اور وسطی امریکہ اور میکسیکو سے چلائے جانے والے ایک انسانی سمگلنگ گروہ میں شامل تھا۔ یہ گروہ بغیر دستاویزات کے تارکین وطن کو امریکہ کی جنوبی سرحد پر لانے کا کام کرتا تھا۔
(یو این آئی)
