ارجنٹینا میں کووڈ 19 کے 255 نئے کیسز

ارجنٹینا میں کورونا وائرس سے متاثر ہونے والے افراد کی تعداد میں غیر معمولی اضافہ دیکھا جا رہا ہے۔ محض 24 گھنٹے میں یہاں 255 نئے کیسز کی تصدیق ہوئی ہے جبکہ یہاں پر کووڈ 19 کے کل مریضوں کی تعداد 7 ہزار 134 ہوگئی ہے۔

قومی وزارت صحت کے مطابق ارجنٹینا میں گذشتہ 24 گھنٹوں کے دوران کورونا سے 9 اموات ہوئی ہیں جس سے مرنے والوں کی تعداد بڑھ کر 353 ہوگئی ہے۔

عالمی ادارہ صحت (ڈبلیو ایچ او) نے 11 مارچ کو کووڈ-19 کو عالمی وبا قرار دیا ہے۔ ابھی تک اس وائرس سے 44 لاکھ لوگ متاثر ہوچکے ہیں جبکہ تین لاکھ سے زائد افراد لقمہ اجل بن چکے ہیں۔