امریکہ میں طیارہ حادثہ، سات ہلاک، چھ زخمی

امریکہ میں ریاست کنیکٹیکٹ کے بریڈلے بین الاقوامی ہوائی اڈے پر ایک ہوائی جہاز حادثے کا شکار ہوگیا جس میں کم از کم سات افراد ہلاک اور چھ دیگر زخمی ہوئے ہیں۔

حکام نے بتایا کہ یہ حادثہ بدھ کو مقامی وقت کے مطابق صبح نو بجکر 54 منٹ پر ہوا۔ حکام نے بتایا کہ پروازکے تھوڑی دیر بعد طیارہ نے مشکلات کی اطلاع دی اور واپس لوٹ کر لینڈ کرنے کی کوشش کی تھی۔

کنیکٹیکٹ ائرپورٹ اتھارٹی کے ایگزیکٹو ڈائریکٹر کیون ڈلن نے کہا’’ہم نے دیکھا کہ طیارے اونچائی حاصل نہیں کرپا رہا تھا‘‘۔

ریاست کے پولیس کمشنر جیمز روویلا نے نامہ نگاروں کو بتایا’’یہ ایک مشکل کام ہے۔ متاثرین کی شناخت کر پانا مشکل ہے۔ ہم لوگ غلطی نہیں کرنا چاہتے ہیں‘‘۔

بوئنگ -17 نامی اس طیارہ میں دو پائلٹ ، ایک اسسٹنٹ اور 10 مسافر سوار تھے۔ چھ زخمیوں کو علاج کے لئے ہارٹ فورڈاسپتال میں داخل کرایا گیا ہے، جس میں تین کی حالت نازک ہے، جبکہ ایک شخص معمولی طور پر زخمی ہوا ہے۔