نیوزی لینڈ میں منگل کو گذشتہ 24 گھنٹوں کے دوران کورونا وائرس (کووڈ ۔19) کے 13 نئے کیسز سامنے آئے ہیں۔
وزارت صحت نے بتایا کہ نئے کیسز کی تصدیق کے بعد ملک میں متاثرہ افراد کی تعداد 1293 ہوگئی ہے، ملک میں کورونا وائرس کی وبا پھیلنے کے پیش نظر پیر کو وزیر اعظم جیسنڈا ارڈرن نے عام انتخابات کو چار ہفتوں کے لیے 17 اکتوبر تک ملتوی کردیا۔
انہوں نے کہا کہ ہمیں کچھ عرصہ کووڈ 19 کے ساتھ رہنا پڑے گا، الیکشن ملتوی کرنے سے خطرہ کم نہیں ہوگا، انہوں نے مزید کہا کہ وہ انتخابات کی تاریخ میں دوبارہ تبدیلی نہیں کریں گی، نیوزی لینڈ میں 102 دن کے بعد گذشتہ ہفتہ چار کیسز رپورٹ ہوئی تھیں، جس کے بعد حکام نے ملک کے سب سے بڑے شہر آکلینڈ میں لاک ڈاؤن نافذ کردیا۔
