سرکاری ذرائع نے پیر کو بتایا کہ موٹر سائیکل پر سوار بندوق برداروں نے سوکوٹو ریاست کے رباح علاقہ کے چار گاووں پر حملہ کرکے اندھادھند گولیاں چلائیں جن میں کئی لوگ زخمی بھی ہوگئے۔
زخمیوں کو نزدیکی اسپتالوں میں داخل کراگیا ہے۔ بی بی سی نیوز کے مطابق واقعہ سے متاثرہ بیشتر لوگ بزرگ ہیں جنہیں رباح شہر لایا گیا ہے۔ پولیس کے مطابق اس حملے کے سلسلہ میں چار مشتبہ افراد کو گرفتار کیا گیا ہے۔
گاوں والوں کی آخری رسومات میں گورنر امینو تنبوال سمیت ریاستی حکومت کے حکام موجود تھے۔ گورنر نے سلامتی دستوں سے بے رحمانہ تشدد کے واقعات کو قابو کرنے کی اپیل کی تھی۔
شمال مغربی نائجیریا مجرمانہ گروپوں کی سرگرمی کے لئے بدنام ہے جو مختلف طبقات پر خطرناک حملے کرنے کے بعد جنگلوں میں چھپ جاتے ہیں۔ یہ گروہ علاقہ میں زرتاوان کے لئے اغوا کے واقعات کو بھی انجام دیتے ہیں۔
علاقہ میں حکومت کی طرف سے بڑے پیمانہ پر سلامتی دستوں کے جوانوں کو تعینات کرنے کے باوجود وہ تشدد روکنے میں ناکام ثابت ہوئے ہیں۔
