جنوبی صومالیہ میں بم دھماکے، تین ہلاک

صومالیہ کے جنوبی صوبہ لوور شابیل کے ایڈوگلے میں ہونے والے بم دھماکے میں تین افراد ہلاک ہو گئے جبکہ چار افراد زخمی ہوئے ہیں۔

پولیس افسر نے نامہ نگاروں کو بتایا کہ ’’دو بم دھماکوں میں تین لوگوں کی موت ہوگئی اور چار دیگر زخمی ہوگئے۔‘‘

اس سے پہلے اتوار کی شام موغادیشو میں واقع عادن عدی بین الاقوامی ہوائی اڈے اور افریقی یونین مشن کے ہیڈکوارٹر پر کئی موٹار داغے گئے تھے۔ اس حملے میں مشن کے ایک افسر کے زخمی ہونے کی اطلاع تھی۔

عسکریت پسند تنظیم القاعدہ کے معاون گروپ الشباب نے اس حملے کی ذمہ داری قبول کی ہے اورکہا ہے کہ اس نے نو موٹار داغے ہیں۔