فضائیہ کے ترجمان ابی کونلے درامولا نے اتوار کو بتایا کہ فضائیہ کی طرف سے تباہ کیا گیا شدت پسندوں کا خفیہ ٹھکانہ شمالی بورنو کے لیک چاد میں واقع تھا۔
انہوں نے کہا ’’فضائیہ کی طرف سے چلائی گئی فوجی مہم کے دوران بوکو حرام کے کئی شدت پسند مارے گئے ہیں‘‘۔
انہوں نے بتایا کہ خفیہ اطلاع موصول ہوئی تھی کہ دہشت گردوں کا ایک گروپ سکیورٹی فورسز پر حملہ کرنے کی منصوبہ بندی کر رہا ہے۔
اس اطلاع کے بعد سکیورٹی فورسز نےشدت پسندوں کے خلاف مہم چلائی اور ان کے ایک خفیہ ٹھکانے کو تباہ کرتے ہوئے کئی شدت پسندوں کو ہلاک کر دیا گیا
۔ آخری اطلاع موصول ہونے تک بوکو حرام کے شدت پسندوں کے خلاف سکیورٹی فورسز کی فوجی مہم جاری تھی۔
