مالی میں دہشت گردانہ حملہ

مالی کے مشرقی انڈیلمنے علاقے میں ایک فوجی چوکی پر ہوئے شدت پسندانہ حملے میں 53 فوجی ہلاک ہو گئے۔

حکومت نے ہفتہ کو یہ اطلاع دی کہ انڈیلمنے میں مسلح افواج کی چوکی پر حملے میں 53 فوجی اور ایک شہری کی موت ہو گئی۔

حالات اب قابو میں ہیں ۔یہ حملہ جمعہ کے روز ہوا، ابھی تک کسی بھی دہشت گرد تنظیم نے اس حملے کی ذمہ داری قبول نہیں کی ہے۔

واضح رہے کہ مالی کئی برسوں سے داخلی قبائلی کشیدگی اور دہشت گردانہ سرگرمیوں سے دوچار ہے۔

یہاں اکتوبر میں برکینا فاسو سرحد کے نزدیک دو فوجی کیمپوں پر ہوئے دہشت گردانہ حملے میں 25 فوجی ہلاک ہو گئے تھے اور 60 دیگر لاپتہ ہو گئے تھے ۔