دنیا کے متعدد ممالک میں کورونا وائرس کے کیسز میں ایک بار پھر اضافہ ہورہا ہے۔ جس کے سبب ان ممالک نے ایک بار پھر لاک ڈاؤں لگانا شروع کردیا ہے۔ اسی حوالہ سے جنوبی افریقہ کے صدر نے ٹی وی پر قوم سے خطاب کے دوران ملک بھر میں سخت لاک ڈاؤن کا اعلان کیا ہے۔
پابندیوں کے سبب ہوٹل میں صرف 'ٹیک اوے' اور 'ہوم ڈلیوری' کی اجازت ہوگی، رات میں لگنے والے کرفیو میں بھی ایک گھنٹے کا اضافہ کر دیا گیا ہے۔
جنوبی افریقہ میں کورونا وبا کے پھیلاؤ کو روکنے کیلئے ہجوم والی تقریبات پربھی پابندی عائد کردی گئی ہے ۔
دوسری جانب پڑوسی ملک بنگلہ دیش نے آج کے بجائے یکم جولائی سے ملک بھر میں 7 دنوں تک کے لئے لاک ڈاؤن نافذ کرنے کا فیصلہ کرنے کا اعلان کیا ہے۔
یہ بھی پڑھیں: Palestinian Security Clash With Protesters: مظاہرین اور فلسطینی پولیس کے مابین تصادم
دریں اثنا اسرائیل میں ویکسین لگوانے کے باوجود کئی افراد کورونا وائرس کی ڈیلٹا قسم میں مبتلا ہوگئے ہیں۔ ڈیلٹا قسم سے متاثر ہونے والے آدھے افراد نے فائزر ویکسین لگوائی تھی۔ خیال رہے اسرائیل میں دوبارہ ان ڈور ماسک پہننا لازمی قرار دے دیا گیا ہے۔
یو این آئی
