سڑک حادثہ میں 15 افراد ہلاک، درجنوں زخمی

افریقی ملک کانگو میں ایک سڑک حادثے میں 15 افراد ہلاک اور 40 افراد زخمی ہو گئے ہیں۔

ڈیموکریٹک ریپبلک کانگو کے دارالحکومت كنشاسا میں لاری کے دیگر گاڑیوں سے ٹکرانے کی وجہ سے ہونے والے ایک سڑک حادثہ میں 15 افراد کی موت ہو گئی ہے جبکہ 40 افراد زخمی ہو گئے۔

کانگو کے وزیر صحت اتیني لونگونڈو نے میڈیا سے کہا 'مرنے والے 14 افراد کی لاشیں كنشاسا یونیورسٹی میں رکھی گئی ہیں'۔ اس کے ساتھ ہی انہوں نے اسپتال کا دورہ کیا جہاں زخمیوں کا علاج ہو رہا ہے، انہوں نے وہاں زخمیوں کے حال چال پوچھے۔

رپورٹ کے مطابق یہ ابھی تک واضح نہیں ہوا ہے کہ حادثہ کی وجہ کیا تھی، لیکن عینی شاہدین کے مطابق گاڑی کا بریک فیل ہونے کی وجہ سے ڈرائیور کنٹرول کھو بیٹھا جس سے یہ حادثہ پیش آیا۔

کانگو میں سڑکوں کی خستہ حالت کی وجہ سے اکثر ایسے حادثات پیش آتے ہیں، حکومت حادثات پر قابو پانے کے وعدے تو کرتی ہے لیکن حادثات کی شرح ہر سال بھڑتی جارہی ہے۔