امریکی پولیس حکام کو دارالحکومت واشنگٹن میں اسرائیلی سفارت خانے سے ملنے والے ایک مشکوک پیکج میں کوئی خطرناک مواد نہیں ملا ہے اور اس پیکٹ کو جائے وقوعہ سے ہٹا دیا گیا ہے۔
ڈی سی میٹروپولیٹن پولیس ڈپارٹمنٹ کے ترجمان نے پیر کو اسپوتنک کو یہ اطلاع دی۔ ترجمان نے کہا کہ ہم فی الوقت جائے وقوعہ کو صاف کر رہے ہیں، کوئی خطرناک مواد نہیں ملا ہے۔
قبل ازیں امریکی میڈیا نے اطلاع دی تھی کہ مقامی اہلکار واشنگٹن ڈی سی میں اسرائیلی سفارت خانے میں مشتبہ پیکج کی تحقیقات میں امریکی خفیہ سروس کی مدد کر رہے ہیں۔
یہ بھی پڑھیں: امریکی سرحدیں 20 ماہ بعد ویکسین شدہ افراد کے لیے کھول دی گئیں
اسپوتنک کے نامہ نگار نے بتایا کہ امریکی خفیہ سروس کے اہلکاروں سمیت بڑی تعداد میں پولیس اہلکار اسرائیلی سفارت خانے کے قریب تعینات تھے۔ انہوں نے کہا کہ سفارت خانے کے قریب کئی سڑکیں بھی بند کر دی گئی ہیں۔
(یو این آئی)
