مراکش میں کورونا وائرس کے ایک ہزار سے زیادہ کیسز کی تصدیق ہوئی ہے اور یہاں اس سے ہلاک ہونے والوں کی تعداد بڑھ کر 70 تک پہنچ گئی ہے۔
یہ اطلاع مراکش کی وزارت صحت نے دی ہے۔ وزارت نے کہا 'مراکش میں اب تک کورونا وائرس کے 1021 کیسز سامنے آئے ہیں اور اس سے یہاں 76 افراد صحتیاب بھی ہوئے ہیں'۔
مراکش ان ممالک میں شامل ہے جہاں کوروناوائرس کی وجہ سے اسٹیٹ ایمرجنسی کا اعلان کیا ہوا ہے۔
جان ہوپکنز یونیورسٹی کے مطابق کورونا وائرس سے دنیا بھر میں 10 لاکھ سے زیادہ لوگ متاثر اور 69000 افراد ہلاک ہوئے ہیں۔
واضح رہے کہ کوورونا وائرس سے سب سے زیادہ ہلاکتیں بزرگوں کی ہو رہی ہیں، 70 فیصد اموات ان افراد کی ہوئی ہیں جن کی عمر 60 سال سے زائد ہے۔ اس کے علاوہ تحقیق سے یہ بھی سامنے آیا ہے کہ کورونا وائرس سب سے زیادہ ان افراد کو متاثر کرتا ہے جنہیں پہلے سے ہی کوئی غیر مواصلاتی بیماری ہو، جیسے شگر، کینسر، ہائی بلڈ پریشر، سانس کی بیماری وغیرہ۔
کورونا وائرس سے سب سے زیادہ متاثر ہونے والا ملک امریکہ ہے، امریکہ میں کورنا وائرس سے متاثرین کی تعداد 3 لاکھ 37 ہزار سے زائد ہو گئی ہے جبکہ 9 ہزار 600 سے زائد افراد ہلاک ہو چکے ہیں۔
