صومالیہ میں بم دھماکہ، چار افراد ہلاک، چھ زخمی

صومالیہ میں بارودی سرنگ کے دھماکے میں ایک سینئر افسر سمیت چار افراد کے ہلاک اور چھ کے زخمی ہونے کی خبر ہے۔

مشرقی افریقی ملک صومالیہ کے دارالحکومت مغادیشو میں بارودی سرنگ کے دھماکے میں ایک سینئر افسر سمیت چار افراد ہلاک اور چھ زخمی ہوگئے ہیں۔

صومالیہ بم دھماکہ میں چار افراد ہلاک، چھ زخمی

دالسان ایف ایم اسٹیشن نے یہ اطلاع دی۔

ریڈیو اسٹیشن کے مطابق، دھماکے میں جاں بحق ہونے والوں میں سیکیورٹی اور سیاسی امور کے ڈپٹی کمشنر عبدالرشید دباد بھی شامل ہیں۔ مقامی ہسپتال کے ڈائریکٹر کے مطابق، دھماکے میں چھ دیگر افراد زخمی بھی ہوئے ہیں۔

اطلاعات کے مطابق، بنیاد پرست اسلامی گروپ الشباب نے دھماکہ کی ذمہ داری قبول کی ہے۔