تنزانیہ میں سیلاب سے درجنوں ہلاک، ہزاروں بے گھر

تنزانیہ کے کلوا میں بھاری خطرناک سیلاب کی وجہ سے 15000 سے زائد لوگ بے گھر ہو گئے ہیں۔

تنزانیہ میں لنڈی علاقہ کے ضلع کلوا میں خطرناک سیلاب سے کم از کم 13لوگوں کی موت اور 15,096لوگ بے گھر ہوگئے ہیں۔

کلوا کے ضلع کمشنر کرسٹوفر نگیوبیاگئی نے سنیچر کو بتایا 'موسلا دھار بارش کی وجہ سے آئے سیلاب سے سیکڑوں ہیکٹیئر کھیت برباد ہوگئے اور بڑی تعداد میں جانور مارے گئے ہیں۔

انہوں نے بتایا '26 جنوری سے آئے سیلاب کی وجہ سے کلوا کے 90 میں سے 16 گاوں کے لوگوں کو کافی مشکلات کا سامناکرنا پڑ رہا ہے۔ ضلع انتظامیہ نے چار شیلٹر ہوم تعمیر کئے ہیں جن میں 8000 بے گھر لوگوں نے پناہ لی ہے۔ باقی 7096 لوگ اپنے رشتہ داروں اور دوستوں کے یہاں ٹھہرے ہوئے ہیں۔

حکام نے کاروباریوں اور تنظیموں سے متاثرین کی مدد کے لئے کھانے، پانی، دوا، ٹینٹ، کمبل، گدے اور کپڑے وغیرہ عطیہ کرنے کی اپیل کی ہے۔

موانجا علاقہ کی پولیس کمانڈر سافیہ جونگو نے بتایا کہ تمام متاثرین کو محفوظ مقامات پر لے جایا گیا ہے۔

تنزانیہ موسم سائنس اتھارٹی نے اتوار کو موسم کی تازہ معلومات دیتے ہوئے مشرقی افریقہ کے دس سے زیادہ علاقوں میں شدید بارش ہونے کا اندیشہ ظاہر کیا۔