تیونیشیا کے ساحل پر لیبیا سے غیر قانونی مہاجروں کو لے جانے والی ایک کشتی کے پلٹ جانے سے کم از کم 17 افراد کی موت ہو گئی۔
انٹرنیشنل آرگنائیزیشن فار مائیگریشن (آئی او ایم) کی لیبیا برانچ نے جمعرات کی دیر رات اس حادثے کی اطلاع دی۔
آئی او ایم کے ترجمان صفا مسیہلی نے ٹویٹ کیا کہ 'ریسکیو افسران کی جانب سے بچائے گئے دو افراد کے مطابق آج تیونیشیائی ساحل پر کم از کم 17 مہاجروں کی ڈوبنے سے موت ہو گئی۔ مبینہ طور پر کشتی دو دن پہلے لیبیا کے زُوَرا سے روانہ ہوئی تھی۔'
یہ بھی پڑھیں: اسرائیلی فوج نے 'اپنی الجھن' کی وضاحت کی
قبل ازیں دیگر 150 مہاجروں کو مبینہ طور پر روکا گیا اور اسی دن کوسٹ گارڈ نے انھیں لیبیا واپس بھیج دیا۔ ایسے واقعات کم کرنے کے لیے تنظیم نے اس خطے کے ملکوں سے وسطی بحیرہ روم میں ریسکیو جہازوں کو پھر سے تعینات کرنے کی درخواست کی ہے۔
