الجیریا میں کورونا کے مزید 129 نئے کیسز

الجیریا میں کورونا وائرس کے 129 نئے کیسز رپورٹ ہوئے ہیں جو 20 جون کے بعد ایک ہی دن میں سب سے کم تعداد ہے۔ یہ اطلاع وزارت صحت نے دی ہے۔

وزارت صحت نے بتایا کہ نئے کیسز کی رپورٹ کے ساتھ ہی ملک میں کورونا وائرس کے متاثرہ افراد کی مجموعی تعداد 52399 ہوگئی ہے جبکہ ہلاکتوں کی تعداد 1733 ہوگئی ہے۔

دریں اثنا 91 مریضوں کو صحت یاب ہونے کے بعد اسپتال سے فارغ کر دیا گیا ہے اور اب تک مجموعی طور پر 36763 مریض جان لیوا وبا سے شفایاب ہوئے ہیں۔

قابل ذکر ہے کہ الجیریا میں کورونا وائرس کا پہلا کیس 25 فروری کو سامنے آیا تھا اور گذشتہ 7 جون سے اقتصادی سرگرمیاں دوبارہ شروع ہوگئی تھیں۔