بریلی میں بھیانک سڑک حادثہ، 8 افراد ہلاک

حادثہ اتنا بھیانک تھا کہ موقع پر ہی 8 افراد کی دردناک موت ہوگئی جبکہ اس حادثہ میں 4 زخمی ہو گئے ۔ زخمیوں میں دو کی حالت سنگین بتائی جا رہی ہے۔

ریاست اترپردیش میں ضلع بریلی کے بھوتہ علاقے میں تیز رفتار ٹرک نے موٹر سائیکل اور وین کو ٹکر مار دی۔ اس واقعہ میں چھ ماہ کے شیر خوار سمیت آٹھ افراد ہلاک ہو گئے جبکہ چار افراد زخمی ہو گئے ہیں۔ تمام زخمیوں کو ہسپتال میں داخل کرا دیا گیا ہے۔ زخمیوں میں دو کی حالت سنگین بتائی جا رہی ہے۔

انہوں نے بتایا کہ مذکورہ علاقہ میں بيسل پور سے بریلی کی طرف جا رہی ایک ٹرک نے پہلے موٹر سائیکل کو ٹکر ماری اور اس کے بعد ایک وین کو ٹکر مار دی۔ اس خوفناک حادثہ میں 8 افراد کی ہلاک ہو گئے ہیں۔ انہوں نے بتایا کہ ہلاک ہونے والوں میں کار سوار شمع، شیبا، چھ مہینےکا بچہ حسین، رحمت بی، اسما، عظمت، ڈرائیور یونس اور موٹر سائیکل سوار رچا بھی شامل ہیں۔
ایس پی سنگھ نے بتایا کہ ٹرک ڈرائیور فرار ہو گیا ہے جس کی تلاش جاری ہے۔