ممبئی: اُڑیسہ کے وزیر اعلی نوین پٹنائک نے آج آر مادھون اور ان کے پورے خاندان سے ملاقات کی۔ دراصل اداکار مادھون کے بیٹے ویدانت نے حال ہی میں سوئمنگ میں جونیئر نیشنل کے ریکارڈ کو توڑتے ہوئے نیا ریکارڈ قائم کیا ہے۔ اداکار نے سوشل میڈیا پر ملاقات کی تصاویر شیئر کرکے نوین پٹنائیک کا شکریہ ادا کیا۔ اس کے ساتھ انہوں نے ایک پیارا کیپشن بھی لکھا ہے۔ شلپا شیٹی سمیت کئی ستاروں نے مادھون کی پوسٹ کو لائک کرتےہوئے اس پر تبصرے کیے ہیں۔R Madhvan Meets Odisha CM
- " class="align-text-top noRightClick twitterSection" data="
">
واضح رہے کہ ویدانت نے 48ویں جونیئر نیشنل ایکواٹک چیمپئن شپ میں قومی ریکارڈ توڑ دیا ہے۔ اس خوشی کو شیئر کرتے ہوئے آر مادھون نے اُڑیسہ کے وزیراعلی کو ٹیگ کرتے ہوئے لکھا کہ 'محترم سی ایم نوین جی سے مل کر بہت خوشی ہوئی۔ اس طرح کی مہمان نوازی اور بھارت کے کھیل دنیا میں اُڑیسہ کے مقام کو مضبوط بنانے کی آپ کی بہترین کوشش کے لیے آپ کا بہت بہت شکریہ۔ کھیلوں کے مستقبل کو روشن بنانے کے لیے آپ کی وابستگی حوصلہ افزا ہے۔ مادھون کے اس پوسٹ کو 68 ہزار سے زائد لوگوں کی جانب سے پسند کیا جاچکا ہے۔R Madhvan Son Vedant Breaks National Junior Swimming Record
اس کے ساتھ ہی اداکارہ شلپا شیٹی نے لکھا کہ 'ویدانت پر فخر ہے'۔ وہیں مداح بھی مادھون کے اس پوسٹ کو خوب پسند کر رہے ہیں۔ ایک مداح نے اداکار کے پوسٹ پر تبصرہ کرتے ہوئے لکھا کہ ' حقیقت میں ایک اسٹار کو کیسا ہونا چاہیے اس کی بہترین مثال، گریٹ میڈی'۔ ایک اور مداح نے لکھا کہ 'باپ اور بیٹے دونوں کو مبارک ہو جنہوں نے ہمیں فخر محسوس کروایا۔'
واضح رہے کہ حال ہی میں اداکار آر مادھون کی فلم 'راکیٹری دی نمبی ایفیکٹ' نے باکس آفس پر اچھی کارکردگی کا مظاہرہ کیا ہے۔ اسرو کے سابق سائنسداں اور ایرو اسپیس انجینئر نمبی نارائنن کی زندگی پر مبنی اس فلم کو پروڈیوس اور ڈائریکٹ اداکار نے ہی کیا ہے۔
مزید پڑھیں: Rٓocketry Gets OTT Release Date:آر مادھون کی فلم 'راکیٹری' او ٹی ٹی پر ریلیز ہونے کو تیار
