ممبئی، نامور بالی ووڈ اداکار ابھیشیک بچن آج 47 برس کے ہو گئے۔05 فروری 1976 کو ممبئی میں پیدا ہونے والے ابھیشیک کو اداکاری کا فن ورثے میں ملا۔ ان کے والد امیتابھ بچن ایک اداکار ہیں جب کہ والدہ جیا بھادوری ایک معروف اداکارہ ہیں۔ ابھیشیک نے تیرا جادو چل گیا، ڈھائی اکشر پریم کے، بس اتنا سا خواب ہے، ہاں میں نے بھی پیار کیا ہے، شرارت، ممبئی سے آیا میرا دوست، میں پریم کی دیوانی ہوں، اوم جئے جگدیش، ایل او سی کارگل، کچھ نہ کہو جیسی فلموں میں کام کیا، لیکن ان میں سے کوئی بھی فلم ٹکٹ کھڑکی پر کامیاب نہیں ہوئی۔
ابھیشیک کی فلم زمین سال 2003 میں ریلیز ہوئی تھی۔اس فلم میں ابھیشیک کے علاوہ اجے دیوگن نے بھی مرکزی کردار ادا کیا تھا۔ فلم نے ٹکٹ کھڑکی پر اوسط کامیابی حاصل کی۔ سال 2004 میں ریلیز ہونے والی یہ فلم نوجوان ابھیشیک کے کیریئر کی ایک اہم فلم ثابت ہوئی۔ اس فلم میں ابھیشیک کے کردار میں گرے شیڈز تھے لیکن وہ ناظرین کو مسحور کرنے میں کامیاب رہے۔ سال 2004 میں ریلیز ہونے والی فلم دھوم ان کے کیریئر کی پہلی سپر ہٹ فلم ثابت ہوئی۔ اس کے بعد ابھیشیک نے کئی بہترین فلموں میں کام کیا، جس میں ان کی اداکاری کی تعریف کی گئی۔
سال 2007 میں ابھیشیک بچن کو منی رتنم کی فلم گرو میں کام کرنے کا موقع ملا۔خیال کیا جاتا ہے کہ یہ فلم آنجہانی صنعت کار دھیرو بھائی امبانی کی زندگی پر بنائی گئی تھی۔ابھیشیک بچن نے اپنی سنجیدہ اداکاری سے ناظرین کے دل جیت لیے۔ جس میں ابھیشیک کو بہترین اداکار کے فلم فیئر ایوارڈ کے لیے نامزد کیا گیا تھا۔ اسی سال ابھیشیک بچن نے ایشوریہ رائے سے شادی کی۔سال 2008 میں ابھیشیک بچن کی دوستانہ اور سرکار راج جیسی سپر ہٹ فلمیں ریلیز ہوئیں اور دونوں فلموں کے لیے انہیں بہترین معاون اداکار کے فلم فیئر ایوارڈ کے لیے نامزد کیا گیا۔سال 2009 میں ابھیشیک بچن نے فلم پروڈکشن میں بھی قدم رکھا اور پا فلم بنائی۔
ابھیشیک بچن نے سال 2012 میں ریلیز ہونے والی سپرہٹ فلم بول بچن میں زبردست کامیڈی اداکاری سے شائقین کو مسحور کردیا تھا۔سال 2013 میں ابھیشیک بچن کے کیریئر کی کامیاب ترین فلم دھوم تھری ریلیز ہوئی تھی۔سال 2014 میں ابھیشیک کی ایک اور سپرہٹ فلم ہیپی نیو ایئر ریلیز ہوئی ہے۔ اس کے بعد ابھیشیک بچن نے ہاؤس فل 3، من مرضیا، لوڈو، دی بگ بل، باب وشواس، دسویں جیسی فلموں میں کام کیا۔ ابھیشیک بچن ان دنوں فلم گھمر میں کام کر رہے ہیں۔
مزید پڑھیں:جہد مسلسل سے کامیابی حاصل کرنے والے اداکار ابھیشیک بچپن
یواین آئی۔
