حیدرآباد: لکشمن اٹیکر کی ہدایت کاری میں بننے والی فلم ذرا ہٹکے ذرا بچکے نے ریلیز کے چند ہفتوں بعد بھی باکس آفس پر اپنا جادو برقرار رکھنے میں کامیاب ہوئی ہے۔ فلم نے اپنی ریلیز کے چوتھے پیر کو گھریلو باکس آفس پر 80 کروڑ روپے کا سنگ میل عبور کرلیا ہے، جس میں وکی کوشل اور سارہ علی خان اہم کردار میں ہیں۔ ذرا ہٹکے ذرا بچکے اپنی ریلیز کے 25 ویں دن بعد بھی سنیماگھروں میں اچھی کمائی کر رہی ہے۔ Zara Hatke Zara Bachke
فلم، جو اس وقت اپنے چوتھے ہفتے میں ہے، نے جمعہ کو 1.35 کروڑ روپے اور پیر کو 1.23 کروڑ کی کمائی کی۔ ذرا ہٹکے ذرا بچکے ایک رومانوی کامیڈی فلم ہے جس میں وکی کوشل اور سارہ علی خان نے اداکاری کی ہے۔ فلم نے پیر کو 1.25 کروڑ روپے کی کمائی کی ہے جو آدی پروش کی کمائی سے زیادہ ہے۔ فلم نے ایک بار پھر ایک کروڑ کا ہندسہ عبور کرلیا۔
فلم ہر گزرتے دن کے ساتھ اپنی کارکردگی کو بہتر بنا رہی ہے اور یہ پیٹرن آنے والے وقت تک جاری رہے گا۔ گزشتہ ہفتے بدھ اور جمعرات کو فلم کی کمائی میں چھوٹی سے گراوٹ دیکھی گئی تھی۔ لیکن اب یہ دیکھنا دلچسپ ہوگا کہ کیا آج (منگل) اور کل (بدھ) کی کل کمائی 90 لاکھ کا ہندسہ عبور کرنے میں مدد کرے گی۔
دراصل جمعرات کو بھی فلم ستیہ پریم کی کتھا کی ریلیز کے باوجود سارہ علی خان اور وکی کوشل کی فلم اسی طرح کا کاروبار کرسکتی ہے، کیونکہ عید کی چھٹی ہونے کا فائدہ دونوں فلموں کو مل سکتا ہے۔ وکی کوشل اور سارہ علی خان کی فلم نے باضابطہ طور پر 80 کروڑ کا ہندسہ عبور کر لیا ہے، فلم نے 80.01 کروڑ روپے کی کمائی کی ہے۔ اگرچہ یہ امید کی جارہی ہے کہ یہ فلم 87-88 کروڑ کمائے گی، لیکن اگر یہ 90 کروڑ کمانے میں کامیاب ہوجاتی ہے تو یہ بہت زیادہ خوش کن خبر ہوگی۔
واضح رہے کہ سارہ علی خان کی اگلی فلموں میں اے وطن میرے وطن، مرڈر مبارک اور میٹرو ان دنوں شامل ہیں۔ دوسری جانب وکی کی اگلی فلم میگھنا گلزار کی سیم بہادر ہوگی۔
