حیدرآباد: رنبیر کپور اور شردھا کپور کی آئندہ فلم کے میکرز نے فلم کے حوالے سے ایک پوسٹر شیئر کیا ہے جس میں فلم کا نام کیا ہونے والا ہے اس کے بارے میں ایک اشارہ ملتا ہے۔ میکرز نے ایک پوسٹ شیئر کیا ہے جس میں انگریزی کے حرف ' ٹی جے ایم ایم ' لکھا ہوا ہے اور صارفین سے فلم کے ٹائٹل کا اندازہ لگانے کو کہا ہے۔Ranbir-Shraddha starrer Luv Ranjan film
- " class="align-text-top noRightClick twitterSection" data="
">
انسٹاگرام پر شردھا نےا پنی آئندہ فلم کا ایک ٹیزر پوسٹر شیئر کیا ہے اور لکھا ہے ' اور ٹائٹل ہے۔۔۔۔۔اندازہ لگاؤ؟'۔ شردھا کے ذریعہ یہ پوسٹر شیئر کرنے کے فورا بعد عالیہ بھٹ نے اس پوسٹ کو اپنے انسٹاگرام اسٹوریز پر دوبارہ شیئ رکیا ہے اور 'ٹی جے ایم ایم' کے معنی کو سمجھنے کی کوشش کرتے ہوئے لکھا ہے کہ ' کہیں اس ٹی جے ایم ایم کا مطلب ' Tingle Jingle Mingle Mingle' (ٹینگل جینگل مینگل مینگل)' تو نہیں ؟۔۔
فلم کے میکرز کل فلم کے ٹائٹل کا انکشاف کریں گے۔ رنبیر اور شردھا کے علاوہ اس فلم میں بونی کپور اور ڈمپل کپاڈیہ بھی اہم کردار میں ہیں۔ لو رنجن کی ہدایت کاری میں بننے والی یہ فلم 8 مارچ 2023 کو سینما گھروں میں نمائش کے لیے تیار ہے۔
واضح رہے کہ ریڈ سی انٹرنیشنل فلم فیسٹیول میں بات چیت کے دوران رنبیر کپور نے انکشاف کیا تھا کہ لو رنجن کی اگلی رومانس کامیڈی (روم کام) فلم اس صنف میں ان کی آخری فلم ہوسکتی ہے کیونکہ وہ 'بوڑھے ہورہے ہیں'۔ بات چیت کے دوران اداکار نے اپنی آئندہ رومانوی کامیڈی فلم، جس کا عنوان ابھی تک طئے نہیں کیا گیا ہے، کے بارے میں بات کرتے ہوئے کہا کہ ' مجھے نہیں معلوم کہ یہ شاید میری آخری رومانوی کامیڈی فلم میں سے ایک ہو کیونکہ میں بوڑھا ہو رہا ہوں'۔
رنبیر نے اپنے کیرئیر کے دوران عجب پریم کی غصب کہانی، یہ جوانی ہے دیوانی، جگا جاسوس اور بیشرم جیسی متعدد رومانوی کامیڈی فلموں میں کام کیا ہے۔ شردھا کے ساتھ ان کی اگلی فلم نے مداحوں میں دلچسپی پیدا کردی ہے کیونکہ یہ پہلا موقع ہے جب دونوں اداکار کوا یک ساتھ بڑے پردے پر دیکھا جائے گا اور شوٹ سے ان کی لیک ہونے والی تصاویر نے مداحوں کے جوش و خروش کو ایک نئی حد تک بڑھا دیا ہے۔
