کولکاتا: بالی ووڈ اداکارہ تاپسی پنو نے فلم 'شاباش مٹھو' کی تشہیر شروع کردی ہیں۔ فلم کی ٹیم پروموشن کے لیے کولکاتہ میں ہے، ٹیم کے ارکان نے مشہور کرکٹ اسٹیڈیم ایڈن گارڈن کا دورہ کیا۔ اس دوران اسٹار خاتون کرکٹر متالی راج اور فلم ڈائریکٹر سریجیت مکھرجی بھی تاپسی پنو کے ساتھ موجود تھے۔ Taapsee visit Eden Gardens with Mithali Raj
فلم 'شاباش مٹھو' بھارتی کرکٹ کی سابق کپتان اور عظیم خاتون کرکٹر متالی راج کی اسپورٹس بائیوپک ہے، جو کرکٹ کے کھیل میں ایک عظیم شخصیت بننے کے لیے ان کے آغاز کی کہانی بیان کرتی ہے۔ اس دوران تاپسی نے کہا، 'میں نے یہاں بہت سے میچ دیکھے ہیں، لیکن کبھی نہیں سوچا تھا کہ میں یہاں کسی فلم کے لیے کھڑی ہو جاؤں گی۔ یہ جگہ تاریخ اور کھیلوں کے لیے الگ اہمیت رکھتی ہے۔ 1864 میں قائم کیا گیا ایڈن گارڈن دنیا کے سب سے بڑے کرکٹ اسٹیڈیمز میں سے ایک ہے جس کی گنجائش 80,000 سے زیادہ تماشائیوں کی ہے۔
متالی راج نے کہا کہ 'ایڈن گارڈن میں کھیلنا اعزاز کی بات ہے اور 'شاباش مٹھو' کے لیے یہاں آنا بھی بہت خوشی کی بات ہے۔ ہدایتکار مکھرجی نے کہا، 'میں اپنے ہوم گراؤنڈ سے اس اننگز کا آغاز کرنا مناسب سمجھتا ہوں۔ بتا دیں کہ 'شباش مٹھو' 15 جولائی کو ریلیز ہوگی۔ غور طلب ہے کہ 23 سال کے کریئر میں متالی راج نے ون ڈے میں سات ہزار سے زائد رنز بنائے ہیں۔ انہوں نے چار ورلڈ کپ میں بھارت کی قیادت کی ہے۔ اس فلم کو پریا ایون نے لکھا ہے اور اسے کولوسیم میڈیا اور ویاکوم 18 اسٹوڈیوز نے پروڈیوس کیا ہے۔
