ممبئی: منیش شرما کی ہدایت کاری میں بننے والی فلم، ٹائیگر 3، جس میں سلمان خان اور کترینہ کیف اہم کردار میں ہیں، شائقین کے لیے ایک بہت بڑا تحفہ لے کر آرہی ہے۔ فلم کے سیکوئل میں پٹھان کی انٹری ہونے والی ہے۔ بلاک بسٹر فلم 'پٹھان' میں سلمان خان نے کیمیو رول ادا کیا تھا۔ اب بالی ووڈ کے بادشاہ آئندہ ایکشن تھرلر فلم ٹائیگر 3 کی شوٹنگ شروع کرنے کے لیے تیار ہیں۔SRK to Start Shooting For Tiger3
شاہ رخ خان اپریل 2023 کے آخر تک 'ٹائیگر 3' کی شوٹنگ شروع کریں گے۔ ذرائع کے مطابق 'ٹائیگر 3 میں پٹھان کی انٹری دیکھیں! جیسے ہی یہ جاسوس ایک دوسرے کی فلموں میں نظر آنا شروع کردیتے ہیں، جو یش راج فلمز کے اسپائی یونیورس کا حصہ ہیں، لوگوں کی توقعات بڑھ جاتی ہے اور فلمساز چاہتے ہیں کہ وہ شائقین کو سنیما گھروں میں شاندار تفریح فراہم کریں'۔
شائقین کو پٹھان کا وہ ڈائیلاگ یاد ہے جس میں سلمان نے شاہ رخ خان کو کہا تھا کہ ' وہ ایک اہم مشن پر جارہے ہیں' اس لیے پٹھان اس مشن میں ٹائیگر کا ساتھ دینے کے لیے ان سے ملیں گے۔ ذرائع نے مزید بتایا کہ ' شاہ رخ اپریل کے آخر تک ٹائیگر 3 کی شوٹنگ شروع کریں گے اور شوٹ ممبئی میں ہونے کی امید ہے۔ اس شوٹ کی تفصیلات کو مکمل طور پر خفیہ رکھا جا رہا ہے لیکن جب ٹائیگر 3 میں دونوں سپر جاسوس دوبارہ ملیں گے تو آتش بازی ہونے کی توقع ہے'۔
'پٹھان' کے علاوہ اس سے قبل شاہ رخ خان اور سلمان نے 'کرن ارجن'، 'کچھ کچھ ہوتا ہے' اور 'ہم تمہارے ہیں صنم' میں ایک ساتھ کام کیا تھا۔ ٹائیگر 3 2023 کی دیوالی کے موقع پر ریلیز ہونے کے لیے تیار ہے۔ جبکہ شاہ رخ خان کی آنے والی فلموں میں جنوبی ہدایتکار ایٹلی کی پین انڈیا ایکشن تھرلر فلم 'جوان' اور راجکمار ہیرانی کی فلم 'ڈنکی' ہے۔
مزید پڑھیں:Pathaan Box Office Day 27 فلم پٹھان کی 27 ویں دن کی کمائی پر نظر ڈالیں
