ایرناکولم: جنوبی فلموں کی اداکارہ امالا پال کو کیرالہ کے ایرناکولم میں تھرو ویرانیکولم مہادیو مندر میں داخل ہونے کی اجازت نہیں دی گئی۔ مندر انتظامیہ نے کہا کہ مندر میں صرف ہندوؤں کو داخل ہونے کی اجازت ہے۔ چونکہ امالا پال ایک عیسائی ہے، اس لیے انہیں مندر کے اندر جانے کی اجازت نہیں دی جا سکتی۔بتادیں کہ امالا پال کی پیدائش ایک عیسائی گھرانے میں ہوئی ہے۔ اطلاع کے مطابق اداکارہ ایک تہوار کے موقع پر مندر میں بھگوان کی پوجا کے لیے پہنچی تھیں۔ انٹری نہ ملنے پر اداکارہ نے مندر کے باہر سے ہی بھگوان کا درشن کیا اور مندر سے پرساد لے کر واپس چلی گئیں۔ کئی لوگوں نے اس واقعہ پر مندر انتظامیہ کو تنقید کا نشانہ بنایا ہے۔Amala Paul denied entry to Kerala Temple
- " class="align-text-top noRightClick twitterSection" data="
">
ہندو رہنما آر وی بابو اداکارہ کی حمایت میں سامنے آئے ہیں۔ بابو نے سوشل میڈیا کے ذریعے اداکارہ کی حمایت کی ہے۔ اپنے فیس بک پر پوسٹ شیئر کرتے ہوئے ہندو رہنما نے لکھا کہ ' ہندو مذہب کو نہ ماننے والے ایک شخص کو مندر کا منتظم بننے کی اجازت دینے اور ایک غیر ہندو شخص کو مندر میں داخل ہونے سے روکنے پر سوالاٹ اٹھائے جاسکتے ہیں۔ مندر انتظامیہ کو تروپتی جیسے مندروں میں عمل کیے جانے والے رسم و رواج پر غور کرنا چاہئے، جہاں ایک غیر ہندو کو درشن کی اجازت دینے سے پہلے دیوتا میں اپنے عقیدے کی ضمانت دینے کو کہا جاتا ہے'۔ ساتھ ہی اس واقعہ پر رد عمل ظاہر کرتے ہوئے مندر انتظامیہ نے واضح کیا کہ انہوں نے مندر کے موجودہ رسم و رواج پر ہی عمل کیا ہے'۔
امالا پال ساؤتھ فلم انڈسٹری میں سرگرم ہیں۔ انہوں نے رام چرن اور اللو ارجن جیسے ساؤتھ سپر اسٹارز کے ساتھ فلمیں کی ہیں۔ اب امالا بالی ووڈ میں قدم رکھنے والی ہیں اور وہ بالی ووڈ اسٹار اجے دیوگن کی آنے والی فلم 'بھولا' سے بالی ووڈ میں ڈیبیو کرنے جارہی ہیں۔ اجے دیوگن اور تبو کی فلم بھولا رواں سال 30 مارچ کو ریلیز ہونے جارہی ہے۔ فلم 'بھولا' ساؤتھ اسٹار کارتی کی سپرہٹ تمل فلم 'کیتھی' (2019) کا آفیشل ہندی ریمیک ہے، جسے کمل ہاسن کی فلم 'وکرم' اور تھلاپتی وجے کی 'ماسٹر' کے نوجوان ڈائریکٹر لوکیش کنکراج نے پروڈیوس کیا ہے۔
مزید پڑھیں:ساؤتھ اداکارہ امالا پال نے مالدیپ سے اپنی خوبصورت تصاویر شیئر کی
