سونم کپور نے اپنی ماں سنیتا کپور کی سالگرہ کے موقع پر ایک پیار بھرا پیغام لکھا ہے۔ اداکارہ نے اپنی والدہ سنیتا کے ساتھ اپنی کئی تصاویر شیئر کی۔ ان میں سے ایک تصویر میں سنیتا اپنے نواسے وایو کو اپنی بانہوں میں پکڑی نظر آرہی ہیں۔ ان میں سے ایک تصویر سونم کے بچپن کی بھی ہے جس میں سنیتا چھوٹی سونم کو اپنی بانہوں میں پکڑی نظر آرہی ہیں۔Sonam kapoor Wishes Mom on Bday
یہ تصاویر شیئر کرتے ہوئے سونم نے اپنی ماں کو سالگرہ کی مبارکباد دیتے ہوئے لکھا کہ ' سالگرہ مبارک ہو ماں، آپ سے سب سے زیادہ پیار کرتی ہوں۔ آپ کی گود میں بیٹھنے سے لے کر آپ کی محبت اور نگرانی میں رہنا اور آپ کو گلے لگانے سے بہتر کوئی چیز نہیں ہوسکتی۔ میں آپ کی موجودگی میں ہمیشہ خود کو ایک بچے کی طرح محسوس کرتی ہوں اور میں اس کے لیے بہت شکرگزار ہوں۔ بہت سارا پیار ماں'۔
- " class="align-text-top noRightClick twitterSection" data="
">
سونم کے اس پوسٹ پر ردعمل ظاہر کرتے ہوئے سنیتا نے لکھا کہ ' بہت سارا پیار بیٹا۔ یہ اب تک کا سب سے بہترین سالگرہ ہے اپنے نواسے کے ساتھ۔ اس کا کوئی مقابلہ نہیں'۔
وہیں انیل کپور نے بھی اپنی اہلیہ کے نام کے پیغام لکھتے ہوئے انسٹاگرام پر سنیتا کے ساتھ کچھ پرانی تصاویر شیئر کی۔ پہلی تصویر میں اس جوڑے کو پارٹی کرتے ہوئے دیکھا جاسکتا ہے۔ ساتھ میں دونوں کی ایک پرانی بلیک اینڈ وائٹ تصویر بھی ہے۔ انیل نے جذباتی پوسٹ لکھتے ہوئے کہا کہ 'میری سب سے بڑی نعمت آج پیدا ہوئی… میری خوبصورت بیوی! سنیتا، آپ کے ساتھ زندگی کسی خواب سے کم نہیں رہی۔ ایک ایسا خواب جسے میں ہر روز جیتا ہوں! میرے خواب اور میرے خوابوں کے ساتھی/دوست/بیوی/لڑکی بننے کے لیے آپ کا شکریہ، ہمیشہ اور ہمیشہ کے لیے... سالگرہ مبارک ہو میری محبت!! '۔
- " class="align-text-top noRightClick twitterSection" data="
">
- " class="align-text-top noRightClick twitterSection" data="
">
سنیتا کی سالگرہ کے موقع پر ان کی چھوٹی بیٹی اور پروڈیوسر ریا کپور نے اپنی اگلی فلم دی کریو کی شوٹنگ کا آغاز کیا۔ اس میں کرینہ کپور، تبو اور کریتی سینن اہم کردار میں ہیں۔ مہورت کی تصویر شیئر کرتے ہوئے ریا نے انسٹاگرام پر لکھا کہ 'کیا یہ اصلی زندگی ہے؟ پہلا دن، سنیتا کپور کی سالگرہ پر میری نانی کی دعاؤں کے ساتھ۔ سالگرہ مبارک ہو ماں میں آپ کے بغیر یہاں تک نہیں پہنچ سکتی تھی، میں آپ سے پیار کرتی ہوں'۔
مزید پڑھیں:سونم کپور بلیک گاؤن میں خوبصورت نظر آئیں، دیکھیں تصاویر
