نئی دہلی: ایسا لگتا ہے کہ نئی شادی شدہ جوڑی سدھارتھ ملہوترا اور کیارا اڈونی نے ایک دوسرے کے ساتھ وقت گزارنے کے لیے اپنے کام سے کچھ وقت کے لیے وقفہ لیا ہے۔ اتوار کو سدھارتھ ملہوترا کے ایک فین اکاؤنٹ نے سوشل میڈیا پر جوڑے کی ایک تصویر شیئر کی ہے جس میں وہ مداحوں کے ساتھ مسکراتے نظر آرہے ہیں۔ پوسٹ میں دعویٰ کیا گیا کہ اداکار اس وقت جاپان میں ہیں اور یہ خاص تصویر جاپان کے شہر کیوٹو میں لی گئی تھی۔ Sidharth and Kiara Holiday
-
Sidkiara in Kyoto 🇯🇵 #sidkiara #SidharthMalhotra #KiaraAdvani pic.twitter.com/RTDitcpTX7
— 𝐌𝐫.&𝐌𝐫𝐬.𝐌𝐚𝐥𝐡𝐨𝐭𝐫𝐚 (@loveSidkiara1) May 14, 2023 " class="align-text-top noRightClick twitterSection" data="
">Sidkiara in Kyoto 🇯🇵 #sidkiara #SidharthMalhotra #KiaraAdvani pic.twitter.com/RTDitcpTX7
— 𝐌𝐫.&𝐌𝐫𝐬.𝐌𝐚𝐥𝐡𝐨𝐭𝐫𝐚 (@loveSidkiara1) May 14, 2023Sidkiara in Kyoto 🇯🇵 #sidkiara #SidharthMalhotra #KiaraAdvani pic.twitter.com/RTDitcpTX7
— 𝐌𝐫.&𝐌𝐫𝐬.𝐌𝐚𝐥𝐡𝐨𝐭𝐫𝐚 (@loveSidkiara1) May 14, 2023
تصویر میں دیکھا جاسکتا ہے کہ سدھارتھ اور کیارا آرام دہ ٹریک سوٹ میں ملبوس نظر آرہے ہیں۔ ہم سدھارتھ کو کچھ شاپنگ بیگ پکڑے ہوئے بھی دیکھ سکتے ہیں۔ اس پوسٹ پر ردعمل ظاہر کرتے ہوئے متعدد مداحوں نے جوڑے پر محبت کی بارش کی۔ ایک سوشل میڈیا صارف نے تبصرہ کیا کہ 'کتنا پیارا' ۔ وہیں اتوار کے روز اس جوڑی نے مدرز ڈے کے موقعے پر اپنی ماں کے نام ایک پوسٹ لکھا تھا۔
اپنی ماں کے ساتھ شادی کی تقریب کی ایک تصویر شیئر کرتے ہوئے کیارا اڈوانی نے لکھا کہ 'میرا سب کچھ'۔ اس تصویر میں اداکارہ نے کریم رنگ کا لہنگا اور پیلے رنگ کا ڈوپٹہ پہنا ہے اور اپنی ماں کو گلے لگاتے ہوئے کیمرے کے سامنے مسکراتی ہوئی نظر آرہی ہیں۔ ساتھ ہی کیارا نے اپنی ساس کے ساتھ بھی ایک تصویر شیئر کی اور لکھا کہ 'ان کے لیے شکر گزار ہوں'۔
سدھارتھ اور کیارا 7 فروری کو راجستھان کے سوریا گڑھ پیلس میں ایک نجی تقریب میں شادی کے بندھن میں بندھ گئے تھے۔ انہوں نے اپنے قریبی دوستوں کے لیے دہلی اور بعد میں ممبئی میں ایک استقبالیہ تقریب کا بھی اہتمام کیا۔ ان کے ریسیپشن میں کرن جوہر، کرینہ کپور خان، عالیہ بھٹ، کاجول، گوری خان، سنجے لیلا بھنسالی اور کئی مشہور شخصیات نے شرکت کی۔ ان کی محبت کی کہانی سال 2021 میں ریلیز ہونے والی فلم 'شیر شاہ' کی شوٹنگ کے دوران شروع ہوئی۔
