ممبئی: ٹی وی کی دنیا سے ایک بار افسوسناک خبر آ رہی ہے۔ ٹی وی سیریل ضدی دل مانے نہ کے اداکار سدھانت ویر سوریاونشی دل کا دورہ پڑنے سے انتقال کر گئے۔ میڈیا رپورٹس کے مطابق جم میںورزش کرنے کے دوران اداکار کو دل کا دورہ پڑا اور ان کی موت واقع ہوگئی ہے۔Siddhaanth Vir Surryavanshi Death
اداکار سدھاانت ویر سوریاونشی کا جمعہ کو 46 سال کی عمر میں انتقال ہوگیا۔ اداکار جم میں ورزش کرتے ہوئے گر گئے۔ ان کے انتقال کی خبر کی تصدیق ٹیلی ویژن اداکار جے بھانوشالی نے کی۔
جے بھانوشالی نے انسٹاگرام پر اداکار کی موت پر تعزیت کا اظہار کیا۔ انہوں نے سدھانت کی ایک تصویر پوسٹ کرتے ہوئے لکھا کہ 'بہت جلد چلے گئے۔انڈین ایکسپریس سے بات کرتے ہوئے جے نے بتایا کہ ان کے دوستوں سے اداکار کے موت کی اطلاع ملی۔ انہوں نے یہ بھی تصدیق کی کہ سدھانت کی موت جم میں گرنے کے بعد ہوئی۔
ماڈلنگ سے سدھانت ویر سوریاونشی نے ٹیلی ویژن کی طرف رخ کیا اور کُسم کے ساتھ اپنی اداکاری کا آغاز کیا۔ انہیں آخری بار پولیس پر مبنی ڈرامہ کنٹرول روم میں ڈی سی پی شانتنو ویاس کا کردار ادا کرتے ہوئے دیکھا گیا تھا۔ انہوں نے کئی شوز میں مرکزی کردار بھی ادا کیے ہیں۔ کسوٹی زندگی کی، کرشنا ارجن، کیا دل میں ہے جیسے شوز میں اہم کردار میں نظر آئے تھے۔ ان کے آخری پروجیکٹس میں ٹی وی شوز کیوں رشتوں میں کٹی بٹی اور ضدی دل شامل ہیں۔
سدھانت ویر سوریا ونشی کے پسماندگان میں اہلیہ، سپر ماڈل ایلیسیا راوت اور ان کے دو بچے ہیں۔
