بالی ووڈ اداکارہ شلپا شیٹی بھی سدھارتھ ملہوترا کے ساتھ فلمساز روہت شیٹی کی آئندہ پروجیکٹ میں اداکاری کرتےہوئے نظر آئیں گی۔ ایمیزون پرائم ویڈیو نے ہفتہ کے روز اس بات کا اعلان کیا۔ اگرچہ اس کی کوئی باضابطہ طور پر تصدیق نہیں کی گئی ہے لیکن کہا جا رہا ہے کہ یہ پروجیکٹ ایک سیریز ہے جس میں شیٹی اہم کردار میں نظر آئیں گی۔ Shilpa Shetty in Indian Police Force
- " class="align-text-top noRightClick twitterSection" data="
">
اس پروجیکٹ میں شلپا کا خیرمقدم کرتے ہوئے پرائم ویڈیو کے انسٹاگرام اکاؤنٹ نے اداکار کی ایک تصویر پوسٹ کی اور لکھا ہے کہ ' جب ہم کہتے ہیں کہ وہ فورس ہے تب حقیقت میں اسے مانتے بھی ہیں'۔ انڈین پولیس فورس میں شاندار شلپا شیٹی کا خوش آمدید۔ سفر ابھی شروع ہوا ہے۔ وہیں شلپا نے بھی تصویر پوسٹ کرتے ہوئے لکھا ہے کہ 'پہلی بار او ٹی ٹی پلیٹ فارم کو آگ لگانے کے لیے تیار ہوں'۔ یہ افسانوی سیریز ایمیزون پرائم پر ریلیز کی جائے گا، جس کا مقصد ملک بھر کے پولیس افسران کی بے لوث خدمت، ان کے عزم اور حب الوطنی کو خراج تحسین پیش کرنا ہے۔
