حیدرآباد: رنبیر کپور چار سال بعد فلم شمشیرا سے بڑے پردے پر واپس لوٹے ہیں۔ فلم کو شائقین کی جانب سے جہاں ملے جلے ردعمل رہے ہیں وہیں شمشیرا کی پہلے دن کی کمائی سے معلوم ہوتا ہے کہ اداکار کی فلم کتنے پانی میں ہے۔ شمشیرا کی پہلے دن کی کمائی منظر عام پر آگئی ہے۔ Shamshera Box Office Collection
تجارتی تجزیہ کار ترن آدرش نے 'شمشیرا' کی پہلے دن کی کمائی کے اعداد و شمار جمع کر کے اسے سوشل میڈیا پر شیئر کیا ہے۔ ترن کے مطابق، فلم نے ابتدائی دن 10.25 کروڑ روپے کی مایوس کن کمائی کی ہے۔ اندازہ تھا کہ فلم ریلیز کے پہلے دن 12 سے 15 کروڑ روپے کمائے گی لیکن فلم 11 کروڑ روپے کی بھی کمائی نہیں کرپائی ہے۔
- " class="align-text-top noRightClick twitterSection" data="
">
رپورٹ کے مطابق فلم نے ممبئی، دہلی اور اترپردیش میں اچھا کاروبار کیا ہے۔ خاص طور پر دہلی-این سی آر میں فلم کی کمائی سب سے زیادہ بتائی جا رہی ہے۔ دہلی-این سی آر میں شام کے شوز میں 70-80 فیصد تک سیٹیں بھری ہوئی دیکھی گئیں۔
ترن کے مطابق فلم کی گھریلو باکس آفس پر کمائی توقع سے کم ہے۔ ساتھ ہی یہ فلم کئی سینما گھروں میں سنگل اسکرین پر چلنے کے بعد بھی کمائی نہیں کر سکی۔ آدرش نے دوسرے اور تیسرے دن فلم سے کمائی کی امید ظاہر کی ہے۔
ہفتے کے آخر میں کمائی بڑھ سکتی ہے۔
شمشیرا سے امید کی جا رہی ہے کہ فلم ہفتے کے آخر میں بڑا کاروبار کرسکتی ہے۔ اگر چھٹی والے دن فلم کی کمائی میں کوئی اضافہ نہیں ہوا تو آنے والے ہفتے کے اندر فلم سینما گھروں سے اتر سکتی ہے۔ فلم کا بجٹ 150 کروڑ ہے لیکن پہلے دن کی کمائی سے یہ امید کم ہی ہے کہ یہ باکس آفس پر کوئی کرشمہ دکھا پائے گی۔
واضح رہے کہ فلم کی کہانی بھارت میں برطانوی حکومت کے دور کو دکھاتی ہے۔ اس فلم کی کہانی برطانوی اقتدار، ذات پات اور ڈاکوؤں کے ارد گرد گھومتی ہے۔ فلم میں رنبیر ڈبل رول میں نظر آ رہے ہیں جس کا انکشاف ٹریلر میں ہی کردیا گیا تھا۔ رنبیر کے دونوں کرداروں کے نام شمشیرا اور بلی ہیں جو کہ خمرین ذات برادری کے سردار ہیں۔ ان لوگوں کا مقصد صرف اونچی ذات کے سامنے عزت کے لیے لڑنا ہے۔
مزید پڑھیں: Shamshera Twitter Review: سوشل میڈیا صارفین کو شمشیرا میں رنبیر کپور کی اداکاری بے حد پسند آئی
اس کے ساتھ ہی، سنجے دت دروغہ شدھ سنگھ کے کردار میں نظر آرہے ہیں فلم کے ہدایت کار کرن ملہوترا ہیں جنہوں نے ریتک روشن اور سنجے دت کے ساتھ اگنی پتھ بنائی تھی۔
