حیدرآباد: بالی ووڈ کے کنگ خان ساؤتھ فلموں کے نوجوان ڈائریکٹر ایٹلی کمار کے ساتھ فلم کر رہے ہیں۔ اس فلم کا اعلان بہت پہلے ہی کیا جاچکا ہے لیکن حال ہی فلم کے ٹائٹل کے حوالے سے خبر آئی تھی کہ اس کا نام ' جوان' ہوگا۔ وہیں اب سوشل میڈٰیا میں شاہ رخ خان کی اس فلم کا پہلا لُک سوشل میڈیا پر خوب وائرل ہورہا ہے۔ اداکار کے مداح فلم کے پوسٹر کو بہت شیئر کر رہے ہیں۔ اس پوسٹر میں شاہ رخ خان کا منفرد انداز نظر آیا ہے۔ jawan first look viral
جوان کی پہلی جھلک وائرل ہو رہی ہے
ایٹلی کی فلم 'جوان' کا پوسٹر سوشل میڈیا وائرل ہورہا ہے۔ اس پوسٹر میں شاہ رخ خان کرسی پر بیٹھے نظر آرہے ہیں۔ انہوں نے ہیٹ پہنی ہوئی ہے اور کالے رنگ کے ٹکسیڈو میں نظر آرہے شاہ رخ نے اپنے آنکھوں میں لینسز بھی لگائے ہوئے ہیں۔ اس پوسٹر کے نیچے میں فلم کا نام ' نوجوان' بھی بڑے حروف میں نظر آرہا ہے۔ Shahrukh Khan First Look From Jawan
واضح رہے کہ فلم 'ڈنکی' اور ' پٹھان' میں کام کرنے والے شاہ رخ خان نے ایک اور پروجیکٹ کے لیے ساؤتھ فلموں کے ہٹ ڈائریکٹر ایٹلی کمار کے ساتھ بھی ہاتھ ملایا ہے۔ اب شاہ رخ اس فلم کی شوٹنگ کے لیے روانہ ہو چکے ہیں۔ یہ فلم سال 2023 میں ریلیز ہونے جا رہی ہے۔ اطلاع کے مطابق یہ ایک رومانوی ڈرامہ فلم ہے، جس میں شاہ رخ خان اور نینتارا رومانس کرتے نظر آئیں گے۔ اس فلم کا نام پہلے شیر بتایا جا رہا تھا۔
وہیں فلم کے میکرز فلم کا پہلا ٹیزر ریلیز کرنے کی تیاری کر رہے ہیں، جس میں شاہ رخ خان کا مضبوط اوتار نظر آنے والا ہے۔ یہ ٹیزر 1 منٹ 34 سیکنڈ کا بتایا جا رہا ہے۔ میڈیا رپورٹس کے مطابق اس فلم کے25 ٹائٹلز پر بات ہوئی جس کے بعد فلم کا نام جوان رکھا گیا ہے۔
شاہ رخ ایک بار پھر ڈبل رول میں نظر آئیں گے
میڈیا رپورٹس میں کہا جا رہا ہے کہ اس فلم میں شاہ رخ خان کا ڈبل رول دیکھا جا سکتا ہے۔ شاہ رخ کئی فلموں میں ڈبل رول کر چکے ہیں۔ اداکارہ نینتارا ایک پولیس افسر کے کردار میں ہوں گی اور فلم میں مشہور کامیڈین سنیل گروور اور 'دنگل گرل' سانیا ملہوترا بھی نظر آئیں گی۔
مزید پڑھیں: Salman's security Beefed up: سدھو موسے والا کی موت کے بعد سلمان خان کی سیکورٹی میں اضافہ
