ممبئی: ارباز خان اور ملائیکہ اروڑہ کی علیحدگی کے بعد سلمان خان کے چھوٹے بھائی سہیل خان نے بھی اپنی بیوی سیما سے علیحدگی اختیار کرلی ہے۔ شادی کے 24 سال بعد اپنے شوہر سے سہیل خان سے علیحدگی اختیار کرنے کے بارے میں سیما نے کھل کر بات کی۔ ایک انٹرویو میں سیما نے بتایا کہ اب انہیں کوئی فکر یا پرواہ نہیں ہے۔ انہوں نے یہ بھی بتایا کہ طلاق کی عرضی داخل کرنے کے بعد انہوں نے کسی طرح ذہنی تناؤ سے مقابلہ کیا۔Seema Sajdeh on Divorce with Sohail Khan
سیما نے ایک انٹرویو میں بتایا کہ انہیں میاں بیوی کے رشتے کو سنبھالتے ہوئے 24 سال ہوگئے تھے۔ انہوں نے کہا کہ 'بات یہ ہے کہ اگر میں کسی جگہ ہوں جہاں گہری کھائی ہے، جہاں آپ آسانی سے گر سکتے ہیں تو میں دوسری طرف رہنا پسند کروں گی۔ یہ مجھے آگے بڑھنے میں مدد کرتا ہے، یہ میرے بچوں، میرے خاندان کے افراد اور میرے بھائی یا بہن کے لیے ضروری تھا'۔
انہوں نے مزید بتایا کہ آپ ایک شخص کی وجہ سے مسلسل تناؤ میں رہتے ہیں۔ میں اپنی زندگی کو مثبت انداز میں دیکھ رہی ہوں۔ میرے اطراف میں جو منفی چیز تھی میں نے اسے جانے دیا۔ مجھے لگتا ہے کہ میں اس مقام پر پہنچ گئی ہوں جہاں مجھے اب کوئی پرواہ نہیں ہے'۔
مزید پڑھیں: سہیل خان سے طلاق کی خبروں کے درمیان سیما نے انسٹاگرام سے 'خان' ہٹایا
سہیل اور سیما کی پہلی ملاقات سال 1998 میں 'پیار کیا تو ڈرنا کیا' کے سیٹ پر ہوئی تھی۔ بعد میں دونوں نے شادی کر لی۔ وہ دو بیٹوں کے والدین ہیں۔ سیما نیٹفلکس پر ریلیز ہونے والی سیریز ' فیبولیس لائفس آف بالی ووڈ وائفس' میں نظر آئی تھیں۔ اس کے علاوہ وہ ایک فیشن ڈیزائنر بھی ہیں۔
